كرهت معنى الهوى من كثرة اعذارك
اعاني اجروح وانت ماتعانيها
تضحك وتسولف ولا ادري شنهي اخبارك
تقول احبك ولا ادري عن معانيها
عطشان ولغيرنا هماله امطارك
واحسبك ترفق بروحن كنت راويها
ان كان ودك تفارق فأرسل اخطارك
دنياي بعدك تصافق بي بلاويها
قبل المفارق بمزق كامل اشعارك
كرهت شكل القصيده مع قوافيها
وارجوك تمسح بقايا اسمي من افكارك
واكتب بداله حزين الروح شاقيها
وصورتي لاتجي يومن في انظارك
حطم براويزها دام انت شانيها
انا بخبيك في قلبي مع اسرارك
اقسمت ياروح عزتي ما اعاديها
ادري بعاني واضم الجمر من نارك
والنار ماتحرق الا رجل واطيها
No comments:
Post a Comment