يآبحر فيني من الحزن كثر مافيكمن حزن وأوجاع وغياب وغرايـب
لاتلومنـي إليـا شفتنـي دايـــم أجيــــك
ولاشفتني دايم علـى الشـط ذايـــــب
حزني كبير أكبر من حدود شاطيـك
وأقسى مـن جـروح الزمـان العطايـب
وإن كان تنشدني فـأنا مقـدر أخفيـك
دايم اظـن ويطلـع الظـن خايـب
في هـالزمن أقرب حبايبـك يشقيـك
إليـن تدفـع فـي غــلاه الضـرايـب
من بعد هذا يبتعد عنـك ويجفيـك
ماكنه بـجنبك قضى الوقت طايـب
وإلا الخـوي اللـي توقعـت يفـديـك
يفديك عمـره لاغـدت بـك نشايـب
صد وتصدد مايبي سمـع طاريـك
وياما أنت دونه أتعبتك الطلايب
لاتقول لي بـدري وتـوك ويمديـك
وتعال وأسمـع باقـي الهـرج صايـب
خلك بـحالك وأطلب الـرب يهديـك
ولاتنشد اللي غاب وين أنـت غايـب
وإن شفتني غايب عن حدود شاطيـك
أعرف تراني تحت ذيك النصايـب
لأني أنا والمـوج صرنـا حبايـب
No comments:
Post a Comment