Monday 19 November 2007

إعتبـرٍني مرٍحلة

أنت لا طقّت براسك ( حُب ) جيت تحبّـني ..

و غبت لامن طقّـت براسك ( غياب ) و ما ألتقيك

ياخي .. إمّأ تحتفظ بي صحّ .. ولاّ ذبّـني ..

ما أنت مجبور علي .. وماني مجبور عليك

شاطر إنّك بس من وقت لوقت .. تشبّـني

وتنبسط لا صرت أقول : الله يرحم والديك

حس فيني .. لبّ إحساسي و نداي .. ولبـّني

شوف أنا وشلون صرت أموت و تعلّقت فيك

كن قلبي حالف : ما غيرك أنت .. يطبّـني

فلا تعلّقني كذا .. مابين أحبّك .. و أحتريك

خلّني بينك و بين الصّدر أعيش .. و خبـّني

ولا تطلّعني .. لأنّي لو طلعت .. أصلاً بجيك

لا تجاملني بوجه .. و من وراي .. تسبـّني

ولا تسوّي لي ( متيّم ) .. و أنت تخفي ما لديك

ما انت ناقص تربية .. حتّى تقلّي : ربّـني

و أنت مثّبت لي من أوّل .. تربية أمّك و أبيك

لو أنا ماني كفو .. اتركني عنّك .. و كبـّني

و اعتبرني مرحله .. و اغسل من الرّجعه .. ايديك

Wednesday 18 April 2007

قاعد لحـــٌــــالك


قاعد لحالك ! .......ولاقد جيت في بالك !

وش فيك ساكت ! .......علامك ماتعلمني ؟

كل مااتصل فيك... وازهم رقـم جوالك

تعطيني " مشغول " أو ماتــرد والمقصود تشغلني

يعني عشاني احبك واعشق وصالك؟

تقعد.. تغــــــــــلى ...........علي وماتكلمني!

ياهيه وش فيك ؟ شــ اللي غير احوالك؟

كل ماقترب منك ...........فجأه تبتعد ..عني!!!

ياما تحملت ..........لاجلك ماضي افعالك

واليوم اشوفك ... تصد .......وماتـْ حملني

لاتحسب اني " ضعيـْف ٍ لك " ولامثالك

هــُــاني" انا وأنت اكثر شخص ..عارفني "

مايهمني " أصــلك " ولا حفنت أموالك

مايهمني " ياعزيزي "....غير تفهمني

اما " معي " تعتدل ....وتقـّـيم افعالـك

ولا توكل على الله .....وقوم فارقني

يعني عشاني " احبك" .واعشق وصالك

تقعد.. تغلى علي ......وماتكلمني!

فــُـي خـآطـري


تَعَبت أشيـل الهَم عنّك وأداريك

وإنتَ همومـي ثقلَهَــا مـا يهمِّك

لا يا حبيبي .. الزمن لا يخليك

تقسى على قلبي وتسقيه سِمِّك

دنيـاك هذي , لا تغيِّر مباديك

مهما إستطعت الظلم إعدل بحكمك

ما هي غريبه من يذمِّك يماشيك

لكن غريبـــه يمدحك من يذمِّك !!

ما كل واحد غاب معناه ناسيك

بعض البشر ينساك لو كان يمِّك

أدري تعزني .. اللـه يعز غاليك

وإن كان لـي عندك معزَّه بضمك

° ˚ღ في خاطري كم كلمةٍ : عن تجافيككღ ˚ °

وإن شفت دمعاتي إنزَلَت .. حط كمِّك

إسمك حبيبي ويا كثِرها أساميك

وقلبي يفز .. لا جابوا الناس إسمك

ليتك تحس في ضيقتي يوم أحاتيك

أحرق لك أعصابي .. وما حَس دمِّك

غايب بدون أعذار .. ربِّي يجازيك

عطني سبب مُقنع حبيبي .. وألمك

همِّك , جنونك , ضحكتك , كل ما فيك

صوتك , سكوتك , وأرجع أقول: همِّك

طيشك , عنادك , لما تزعل وأراضيك

ترسم ملامح ضحكتي .. وتمحي رسمك

لبيــه] منِّك غير .. لمَّا أناديك ]

كن الكلام العَذب ... مرساه فمِّك

مهما غلوك قلوب ناسٍ حواليك

أغليك أكثر منِّهُم بس .. لعلمك

أبوك , خالك , إختك , أخوك , ماضيك

ربعك ، جميع النـاس , وعيـــال عمِّك.

شايف غلاهم لِك .. أكثر أنا أغليك

واللِّي وِصَل ( نِص الغلا ) يمكن أمّك

Tuesday 10 April 2007

مــآكــآن آلعشــُـم

لا مآكان العشم فيكم في عزٍ جرٍوحي تنسوٍني

وٍربي كآن آنا ظني تجوني قبل آناديكم

وٍلكن للأسف بآنت وخابت فيكم ضنوٍني

وٍهدمتوا آجمل آحلامي وٍخيبتوا آلرجا فيكم

آنا مآهمني جرٍحي وٍلا همتني شجوٍني

وٍلا همتني دموٍعا من آلضيقة تنآجيكم

آنا آللي همني وٍشلون هذوٍل اللي يوٍاسوٍني

عوٍاذل كنت آسميهم حبآيب كنت آسميكم

خطيت بحقهم يآما وٍيآما هم يرآضوني

حقيقة كنت آنا جاهل آزعلهم ورآضيكم

نعم كانوآ يرٍآعوني وٍعن آلضيقة يسلوٍني

وآيديهم تمسح دموٍعي وآنا آدور آياديكم

بعد كل آلذي قلته وٍبعد ماآنتم سمعتوني

قبل ماآوجه الخطوٍة قبل ماآرحل وآخليكم

آقول آنتم صدمتوني وٍفي هالدنيا كتبتوٍني

قصيدة صآفي جمهورٍه دموعآ بس تحييكم

Monday 9 April 2007

عسى مآشـــــرِ

عسى ماشـــــر ..؟!!

تعبـت وضـاق بك كونـك

سهـرت وذبْـلـــت عيونــك

يســود الليـل من لونـــك

تباكــت هالشـوارع حزنهــا من زولـك اللي مـــر

عسـى ماشـــــر ..!

علامــه البحـر يشكــي ..... ينادونــه ولايحكـــي ؟

غــرق في صمـتــه .. \.. ويبكــــــي !

اخــذ من وجهـك الشاحـب ملامــح ليلتـك .. واحْـتــر !

بحر يقهــر ........... قهــر يبحــر

شجــن يستــأسر المنظــر

وعيوني تسبقـك للشاطئ المرمـي على ذكـراك وتصونــك !

عسى ما ... شــر !!

دخيـل أحــلام عشناهـا ..... عيونـك لاتناساهـا

وجودي يختصر فيها عمـــر ..... والروح دنياهــا !!

ترانـي ماهجـرتك يـوم ... انامك من رحل هالنــوم

وتصحابــي .. افز اقووووم

معـــاك اسهـــــر !

عسى ......... ماشـــــر !!

عبـس وجـه القمـر ليلـة غيابـك وانطفــــت شمعــــــه

عسـى ماتهــت فالظلما وضاعـت سكــة احبابــــك ..؟!

عسى ماشــر ؟ يقولـون السهــر يـرويــك مــن دمعــه

يقولون انــك البـارح شهقــــت بآخـر اكتابـــــــــك

تــزف الجــرح في كفـّـك وقلبــك يحتمــل قمعــــه

قهـرت بحبـرك الـدفتــر وملـــّــت روحـــك عتابــك

عســى ما .. شــــــر ؟

عسى مالملمـك حزن الطريـــق وشتـتــك جمعــــه

عسى مازارتـك وحشــه ودقـــّـت ضيقتــك بابــك

عيـــون اطفــال حارتنـــا تراقـبنـــا ومستمعــه

يعاتـب صدقها صبح وبــدت تنشــد عن غيابــك

وجارتنــا .. تكفكـــف حزنهـا وتجفــــف الدمعــــه

تمــر لدارنـا تسـأل : حنينــك ليــه ماجابـــــك ..؟!

عسى ماشــر .. !

رحلــت وطيبة الشارع تضـج بسيرتـك سُمعــه

ولا مريتهـــا دارك ولاحنيــــت لاصحابـــــك

يضيـق الليـل في صـدر الظـلام وتطـْفـي الشمعـــه

عبس وجــه القمـر واحيا ضما عيني على اهدابـك

Saturday 7 April 2007

لا تنـــُــاديني

لاتناديني ! وكل شـي انتهـى ,, مـن دون سبـه

سٌمـح الله الــدروب , و عٌــوض الله العلاقة

رح ؟ فمـان الله واذكرنـي بخيـر وشـوف غبـه

في بحر عمر ٍ طريقه غامض .. ويوحـش مساقـه

لاترجانـي ! خـلاص .. ودمـع عينـك .. لاتكبـه

لاترجى رجعتـي ! وتقـول : لـو حتـى صداقـه ؟

مستحيل إنـا نكـون لبعـض ؟ أو نرجـع أحبـه !

من يفرط في رواقـي .. مـا اتمسٌـك فـي رواقـه

وش يفيـد الدمـع ؟ قلـي لواحـد ٍ ماخـاف ربـه

الدمـوع الصادقة بالقـلـب مـاهـي بالطفـاقـه

مخطي ٍ ؟ من هو يحسـب إن الغـلا رجـم ٍ يذبـه

و القلوب البيض .. طيبتهـا مـع العالـم حماقة

كانـت أيام الهـوى : شـوق وسعادة مستتبـه

كنت احبـك ! وأتعذب وأشفق لشوفـك شفاقـه

كنت هايم وانت لٌـوك زدت ! بالتعذيـب ,, حبـه

كان شفت القلب مالـه فـي طعـون البعـد طاقـه

بس راحت !! مع نسيم ٍ , كـااااان يغرينـي مهبـه

وانجلى << طعم الفرح >> واليوم ! .. ماتقت لمذاقه

ان لقيت انسان مثلـي مايخـون الـود .. حبـه !

وقتها ؟ بتعـرف قيمـة ,, مـن تهاونـت بفراقـه

كل جرح ٍ من < فراقك > لانويـت أجيب ,, طبـه

بذكر أنك كنـت غالـي ؟ وكنـت للقلـب اشتياقـه

اخذ مني * قاعـده * صـارت بفكـر العقـل قبـه

واخذها مني * قناعه * في مفاهيـم العلاقة

(ممكن ! بيوم ( الصداقه ) تكبر وتصبـح ( محبـه

((بس لا يمكن ؟ بيـوم (( الحـب يتحـول صداقـه

عـلـمــوه انّــي نـسـيـتــه



لـو خـسـرتـك مـا خـسـرت الـعـمــر.. والـدنـيــا مـتــاع

وادري انــي لــو خـسـرتــك مــا خـســرت .. الا قـلـيــل

بـس فـكّـر زيـن.. تـعـرف مــن خـســر فـيـنــا.. وضــاع

وتـعــرف انّــك لــو تــلــفّ الأرض .. وتـــدوّر بــديــل

والله ان تـبـطــي .. ولــو لـفّـيــت فــي كــل الـبــقــاع

ولـو تـسـوّي وش تـسـوّي مــا انــت لاقــي لــي مـثـيــل

ويـن تـلـقـى مـثـل شـخـصـي شـخـص.. وطـبـاعـي طـبـاع

وويـن تـلـقـى مـثـل قـلـبـي قـلـب.. أو مـثـلــي خـلـيــل

الـبـشــر واجــد .. نـعــم .. لـكــنّ فــرق الإنـطــبــاع

يـجـعـلـك يـمّـي تـمـيـل .. ويــمّ غـيــري مــا تـمـيــل

يــا رفـيـقــي .. إنـتـبــه.. واحـســن إلــيّ الإسـتـمــاع

لـلـمـواقــف دور فــي كـشــف الـمـزيّــف.. والأصــيــل

وانـت مـاقـصّــرت فـيـنــي مـوقـفــك .. جــدا شـجــاع

طـعـنـتـك فـي الـظـهـر فـعـلا كـانــت اثـبــات ودلـيــل

بـيّــض الله وجـهــك الـلــي سـاتــره تـحــت الـقــنــاع

ورايـتـك بـيـضــا مـعــاي ويـاعـســى عـمــرك طـويــل

يـعـنـي اعـطـيـك الـثـقــه وتـردّهــا ب(لــوي) الــذراع؟؟

يـاخـي مـا شـا الله عـلـيــك ابـدعــت فــي رد الـجـمـيــل

مـدري كـيـف اشـكـرْك مــدري كـيــف ارد الـصــاع صــاع

كـنـت احـسْـب انّـك عـزيـز الـنـفـس .. تـطـلـع لـي ذلـيـل

كــم وانــا عـيّـيــت اصــدّق فـيــك قـدرالـمـسـتـطــاع

مـن غـبـائـي كـنـت أسـكـت واعـذرك.. واثْــر الـحـصـيــل

جــرح قـلــبٍ .. مـيـزتــه فــي كــل يـــوم الإتــســاع

ودمـع عـيـنٍ يـنـهـمـر مـن ضـيـقـتـي.. فــي كــل لـيــل

والله انــي كـنــت احـبــك حــب .. واتْـبــعْــك اتّــبــاع

كـنـت لـجـل ارضـي غـرورك بـس اســوّي الـمـسـتـحـيــل

كـنـت اعـمـى فـيــك .. لالا .. كـنــت مـيّــت لـلـنـخــاع

كـنـت مـدري كـيـف؟؟ لـكـن كـنـت صـادق مـعــك حـيــل

كـنـت امـارس فـي غـرامــي لــك سـيـاســة الانـصـيــاع

وكـنــت لاغــي مـعــك فـكــرة أعـتــزل أو أسـتـقـيــل

إنـدفـعــت بــكــل مـافـيــنــي .. وســـوء الإنــدفــاع

يـجـبــر الإنـســان أحـيـانــاً .. يـفـكّــر بـالـرحــيــل

صـدمـتـي فـيـك انــت.. خـلـتـنــي أفـكّــر بـاقـتـنــاع

إن قـتــل الـنـفــس راحــه لــو أنــا كـنــت الـقـتـيــل

إنـفـجـر راســي مــن الـتـفـكـيــر.. واشـتــدّ الـصــداع

كـيـف اجـل بـافـتـكّ مـن جـرحــك ودوشــة "قــال قـيــل"

صـرت سـيـره فـي حـلـوق الـنـاس.. وتـالــي هـالـضـيــاع

"أنـتـحـر؟؟ مـعـقـول!!" يــا ألـلــه وش هــذا الـغـلـيــل؟؟

رحـمـتــك يــارب لامــن ضـاقــت امـنـحـنــي وســـاع

أنـت حـسْـبـي فـي الـزمـان الـجـايــر ونـعــم الـوكـيــل

لا غــدى "مـسـتـقـبـلــي والـمـاضــي" اطــراف الـنــزاع

وصـفـحـة الـمـاضـي سـواد وشـيء مــن هــذا الـقـبـيــل

ْفـلازم انـسـى لـجــل أنـهــي بـداخـلــي هــذا الـصــراع

ولازم اتـقــوّى .. عـشــان احـقّــق الـنـصــر الـجـلـيــل

وطـالـمــا إن الـهـجــوم افـضــل وسـيــلــه لـلــدفــاع

مـسـتـحـيـل ارضـخ لـو ان الـحـمــل يـاربـعــي ثـقـيــل

والـبـخـيـل الـلـي نـسـانـي واشـتــري فـيـنــي .. وبــاع

يــذلــف الله لا يــــردّه .. والله بــجــرحــي كــفــيــل