أجامل وابتسم واضحك وانا في داخلي مقهور
احاول اكتم احزاني ورى صـدري وأخبيـــها
أحاول اكـــتم همومي واخبيهــا وأنا مجبـــور
واحـــاول قد مــا أقـــدر أبعد عن حراويهــــا
لو اني كنت بنطقها مـــع انها واقفـــة بـالزور
ولكـــن لازم اكتمهـــا ولا ابيـــن معـــانيهـــا
ولو بعض البشر تدري وتكشف خافي المستور
أببلــش في شماتتهـــا وابتعــب من حكــاويها
طبيعــه ماتفارقهم طبيعـــة من قديـــم عــصور
ورا حكـــي القفى تطرد وتنبش في خوافيهــــا
واذا طاح الرجل مرة وصار من الزمن مكسور
تجيلـــه طعـــنه بظهره تفـــاجأ مـــادرى فيهـــا
تفاجئ مادرى باللي بيصير ومن وراه يدور
وخابت هــقــــوته فيهم بعــــد ماكان هاقيهــــا
لجل هذا كتمت الهم في صدري وانا معذور
همومي في وسط قلبــــي أخبيهــــا واخليهــــا
واذا زاد الحزن فيني كني وحيد بعالم مهجور
كأني بدنيتي وحـــدي وكل النــــاس جافيهــــا
واذا ودي أبوح بهم أبــــد ما اكتبــــه بسطـــور
همــومي بس في نفســــي الحنهــــا واغنيهــــا
مصير الهـــم يترحل وأعيش بدنيتي مســـرور
مصـير الهـــم ينســـاني ونفســـي ما يعــنيهـــا
مصير القلب لو يظلم يجي يوم ويشوف الـــنور
مصيـــر النـــاس تتبـــدل وتتغـــير مماشيهــــا
اذا صـــار الذي ودي أبيــح خافـــي المســـتور
واخلي النـــاس تدري بـــي وبهمومـــي أبكيهـــا
ولكن بكتم همومـــي واخبيهـــا عـــن الجمهــــور
وطبــع الهـــم مايهنـــى بغيــر ظلــــوع راعيهـــا
No comments:
Post a Comment