إبن يصارع المرض يكتب لأبوه هذه القصيدة
يابوي ليه تبكي كل ما شفتك وعينـك لـي
تخاف أموت يابوي وقبل الموت تبكيني
كفا يابوي لا تبكي وأنا موجود معك وحـي
أجل بعد الرحيل أشلون في قبري توطينـي
ابوي لو تموت الناس ماتسوى دموعـك ذي
وأنا يابوي ميت قبل أموت وأنـت محيينـي
قسم بالله يابوي لجل عينك شربـت الغـي
جرعت الهم والحرمان وبحر الويل يسقينـي
تحملت السنين اللي طوتني في عذابي طـي
وصار الجمر بكفوفي وتحت أقدام رجليني
يابوي ماعلى عمري حسافه ولا بقا بي شي
ولكـن بطلبـك يابـوي تكفـا لا تخلينـي
يابوي مابي غيرك يغسـل جثتـي بالمـي
وتكفا قبل لا أتكفن يابوي فكلـي عينـي
بأمر الله يمكن ألمحك وأرحل في عيني ضي
وودع وجهك الطاهر مع دنيـاي وسنينـي
وخل الناس تحملني وترفع راسي ورجلـي
وتأخذني على قبري وتكسب أجرهـا فينـي
ووجهنـي لبيـت الله وقبلـه المصلينـي
وحط الطين وأدفني وعز اللي يعـزي فـي
ثلاث أيام يابـوي يواســـوك المعزينـــي
ورابع يوم يا بوي تذكر ضحكتي وعني
تذكر وش كنت أقول يـوم أنـك تنادينــــي
تذكر يوم كنت أنام في ظل النخـل والفــــي
تجي يمي تصب الماء على وجهي وتصحيني
تذكر جرة الموال وصوت في حبالـه كـي
تذكر يوم أغني لك قصيدي وانت توحينـي
تذكر ضحكتك لا قلتلك يابوي عشقي هـي
تذكر كم قصيدة خافيه مـا بينـك وبينــــي
تذكر كل شي كان وأذكر يـــوم انـا حــــي
ولكـن أسالـك بالله يابــــوي لا تبكيـنــــي
No comments:
Post a Comment